Kur opozita ka hyrë në ditën 17 të protestës, Lulzim Basha, nëpërmjet rrjetit social “Facebook”, u ka përcjellë një mesazh të fortë protestuesve. Ai ka theksuar se beteja e tyre nuk do të ketë përfundim tjetër, veçse fitores së qytetarëve të bashkuar; zgjedhjeve të lira dhe të ndershme, dekriminalizim të parlamentit dhe institucioneve; luftë kundër drogës dhe një drejtësi të vërtetë. Kreu i Partisë Demokratike, Basha, në statusin e tij shkruan që të ngrihen për zgjedhje të lira. “Beteja jonë nuk do të ketë përfundim tjetër përveç fitores së qytetarëve të bashkuar; zgjedhjeve të lira dhe të ndershme, dekriminalizim të parlamentit dhe institucioneve; luftë kundër drogës dhe një drejtësi të vërtetë”, – ka shkruar Basha në faqen e tij zyrtare në rrjetin social “Facebook”. E ndërsa mazhoranca ka theksuar se janë gati të dialogojnë, opozitarët nuk tërhiqen nga kushtet e tyre.
